قصيدة معاك يا الخضرة

معاك يا الخضرا

للشاعر : فيصل كرشوش

ـ تنوض فالليل تنوض صبح تلقــــــاهم مــــزال نــايضين
يقــــولوا كلام مــــا يصلح عليـــــنا حنـــــا الجــزايريين
ـ ما خــــلاّوا لا لــــرواح لا لمــــوتـــا ولا لحـــــيـين
ماخــــلاّو حــــاجة تصلح علام ، تاريخ أو حتى دين
ـ قبل ما نبدى.. نقـول الصح مـــــاشي قـــــاع المصريين
انمـــــا قـــصدي الجــيـــّاح الــــي مــــاشي متــــــربيين
ـ قالـــــوها نـــــاس لبـــارح القـــوافــل يكونوا جـــايزين
او التـــافه يبـــــــقى يضبح مع احترامـــاتي اللــخرين
ـ يا ربي نطـــــلب السمـاح عرب و خاوة ومسلــــــمين
ماشي معناه نضربوا النـح و يحسبــــوا رانـــا خايـفين
ـ ودرك خلاص لقــدر طـاح وهـوما مـــزال امصممين
ما حبّــوش يطلبوا سماح اعــلى خــــاطر مغرورين
ـ وماشي هــاذاك هو الصح العيب والـخصارة ساهلين
بــاش تكـون نـــاس ملاح الّي صعيـــــبة يــا مسكيـن
ـ ماراحـش انقولك ارواح بــــاش تعـرف الجزيريين
على خاطر تعرف الصـح نتايا كثر من وحـدوخرين
ـ نتم عــــاونتونـا بــالسلاح على كــــل حال مشكورين
وحنايا بعثنالكم ... أرواح راهــــم عنـــــدكم مدفونين
ـ او فاللّــــخر كل شي راح على جـــال كأس العالمين
خــــاطر الـي راح يفرح هومــــا الأنس والشياطين
ـ مــانيش راح نزيد جراح بيـــن الخــــــاوة المسلمين
انما ...نكــــتــــب الصح للأجيــال الّـــي طــــالعين
ـ بدات لحكايا فــــالمرواح كانوا للبليــــــدة جـــايين
قـابلناهم بالافـــــــــراح وردة وردة فــــاليــــدين
ـ وادينـــــاهم كي السياح بالشرطة والـــــعســــاسين
لتم عرفونا نــاس ملاح وبلي حنـــــايا شبعــــانين
ـ ومربيين تاع الصح وحتــى فلعبـــــنا فنــــانين
الاهداف كانوا صحـــاح او فــــي ثلاثة شـــرعيين
ـ لتم بعدا بدينا لفراح وبتــــنا كـــــامل سهرانين
وهـــوما لتم بداوا النواح وحلفوا ماراهم ساكــتين
ـ بداوا يسبوا ضربنا النح وكنا بــــالفرحة لاتيـيـــن
وقلنا كي تبرى لجـراح يسكتــــوا رام زعفانين
ـ قالـــوا حوايـج ماتصلح او بلي مــاناش مسلــــمين
وكـــأننا غلقـــنا رفــــح وعــــــاوننا الصــهيـونين
ـ وبلي هومـــا الي افصح وهومـا ردونــــا عربيين
وبوعمامة والأمـير صح واقيلا كانــــــوا شينويين
ـ ولحنوا نشــــــيدنا بصح نساو بلــــي الجزايريين
كانوا في وقت الكفـــــاح ومــاشي لاتيين بالتلحين
ـ لحق الوقت تاع الصح.. كنــــا لبـــلادهم رايحين
رايحين او بالنا مرتــاح على خـاطر كنا رابحين
ـ شحال من واحد منا راح ولحقوا حــتى المتغربين
كانواغير الناس لمـلاح او لعلامــــــات فاليدين
ـ عنبـالـــهم راحوا سياح للقــــــــاهرة حـــــواسين
ولتم الي القنــــاع طاح حقيـــــقـــة المصــرييـــن
ـ بان البــاطل تاع الصح دارو عليـــــهم مــلايين
و الي مـاعندوش سلاح عنـــدو حـــجرة فــــاليدين
ـ وزادو غد منداك صباح الحـــــافلة تـــــاع اللاعبين
الطوب او لحجـر تلاح سجّلوا ربعة مصـــــابين
ـ بعــيـنيـــنا شفنا لجراح او شـــافوها الناس كاملين
اوهوما وجوههم صحاح قالــــك لالا كـــــذابيـــن
ـ راهــم يلعبــوا المسرح جرحوا رواحهم باليــدين
او بلعـــــاني دمهم ساح على خــــاطر راهم حابين
ـ يلعبــوا في كاش مراح مزّيـــا كانوا المـــراقبين
والفيلم كــــامل اتنفضح او شــــفنـاه كامل بالعين
ـ و زادوا جـابولنا براح وجابوا شوّيا شطـاحين
وبقاو ايغنوا للصبــــاح الليــلة مـــاكمش راقـدين
ـ وصباح ربي يــــا فتّـاح كنّـــا للمـــلعب رايحين
دورونا حتى الليل طاح والله ماكــــــــم متدربين
ـ لحق النهـــار تاع الصح الشبــــــان دخلوا خايفين
تسمع حــي على الكفاح ميـــات آلف ولا زايـدين
ـ من لخوف مطمورطاح او زيـاني تقــوشي مقنين
حتى وليد بـــاش جراح حليـش زاد خرج مسكين
ـ او سعدان ضارب النح واش بيــــهم المصريين؟
واقيــــلا عمبالهم صح راهم فالثـــلاثة وسبعين
ـ زاد كمّل المورال طاح سجلوا فالدقــــــايق لولين
زادوا فاللخريـن وصبح لحســـابـــات متسـاويين
ـ ماعليش الامل ما راح او مـــازال رانا رايحين
نلعبوا فأرض الصلاح كيـما حنـــــــايا مؤمنين
ـ فالسودان يبـان الصح لهدرة لتـــــما فالرجلين
ماشي في لمواس وسلاح يـا مصاروا يا حقارين
ـ بــوتفليـــقة لتم صـرّح ابعثـــــوا المشجــــعين
بلا تذكـرة روح ورواح والتأشيـرات امنحــيـين
ـ لتم شحال من واحد راح شباب كـــامل امعــولين
الجزاير اولاش السماح يا سعدان رانــــا جايين
ـ والفريق ما حبش يرتاح قالك ما نكونوا مهنيين
حتى نشوفوا بلي صـح خرجنا من مصر سـالمين
ـ لحقوا لأم درمان صـبح لقــاوهم كـامل مستنيين
فيديهم رافديــــن لـــواح ادخــلوهــــــا آمنيـــن
ـ وان تو تري في كل مراح وعلى علامنا متداربين
خاطر عارفين بلي طاح عليه مليون ونص حرين
ـ ولتما الفريـق ا رتاح وريحـــنا حنايا كامليـــن
السودان زاهية للصباح تســــــاند فالجزايـــريين
ـ وفالقاهرة النـاس تشطح الغلابــــــا لمســاكيـــن
ضربوهم كـامل بلّواح او سمحـــوا فيهم كاملين
ـ وخيّرو تاوع المسرح الفنــانـــات والفنـــانين
الي كانت بكري تشطح جـــات تمثل المصريين
ـ واش من لبسة وروايــح جـــايين كامل فرحــانين
لمساكن عمبـالهم صح للمونديال راهم رايحين
ـ وجمال عوّل يترشـح للانتخابات الجـــــايـين
عمبالو خــلاص ربح وحط علاء ذراع ليميـن
ـ ارواح للسـودان ارواح لحقوا صابو الجزيريين
فكل طريق فكــل سطح دنيا خضرة شمال ويمين
ـ وزيد الوخدة تاع الصح أمعاهم حتــــى لخـــرين
هذا يغنـــي هــذا يشطح وان تــو تري سودانيين
ـ بعدا الحكّـم غير سرّح بديـــــناهم واحـــد اثنين
حبو يزيدو يقضو صلاّح يسجلــوا فالدقايق لـولين
ـ قال مادام قاواوي راح نربـــحوهم بكــاش ثنين
حـــاولوا يهجموا بصح البنطـــاقي طالــع منـين
ـ شاوشي فكرنا فسرباح وين يـــا مـش مهنـدسين
و بوقرة مكاش السمـاح حبسوا هنايا وين رايحين
ـ او زيـــاني بدى يطرح او مقني زيــــن الــــديـن
إمـا جـــاز ولا طاح ولا مــــا بيـــن الرجـلين
ـ حليش حي على الكـفاح فكــــرني فــــــالمجاهدين
او غــــزال لعبوا يفرح من أخـــــطر المهاجمين
ـ ويبدة مازال ما صرّح ومازال سـرارو امخبيين
او بالحاج أيـــــلا طرّح تقول التوربو فــالرجلين
ـ ومنصـوري قايد ناجح او يـــا بزاز يـــا ياسين
او صايفي ما فرا يشطح ولا يــروح شمال ويمين
ـ أيـراوغ ....اويشبّـــــح ويـــــزيد يمرر الخرين
عنتر يحيى وين رايح ؟؟؟ بووووووووم فالتسعين .
ـ فريـقنا الوطـــــني ربح كيفاش نوصف ذاك الحين
الجزاير زاهية للصبـح تفكــــرنا الثنيــن او ستين
ـ وفي مصر بدى المسرح بداو يعيـطوا الكـــــذابين
راهم صــاريين المذابح بالمطــــاوي والسكــاكين
ـ وهو فلوتـــــال مريّح امسلمين و امكتـــــــفين
في حياتي شفت الجـواح ماشي كيــــما المصريين
ـ نشكر كل واحــــد روّح كامــــــل المشجــــــعيـن
دركا عرفوا تاع الصـح شكون هوما الجزايرييـن

روووووووووووووووووووووعة
كلمات جميلة من فيصل كرشوش
عودنا دايما من خلال الجريدة على أشعاره الأكثر من رائعة
والقصيدة هاذي قالتلهم كامل ريحو

مرسي حنونتي
تعيشي

رووووعة اختي مشكورة على القصيدة